Borrell: Përpjekje kolektive për të ndaluar luftën në Gaza

Shefi i politikës së jashtme të BE-së, Josep Borrell ka bërë thirrje për një përpjekje të re kolektive për të ndaluar luftën në Gaza dhe përfundimisht për të bërë objektivin e përbashkët të unionit që dy shtete, Palestina dhe Izraeli, të jetojnë krah për krah në paqe dhe siguri.

Borrell ndau vërejtjet në platformën X ndërsa ndoqi një takim të nivelit të lartë në Madrid me liderët e BE-së dhe Lindjes së Mesme të fokusuar në zbatimin e një zgjidhjeje me dy shtete.

Në përgjigje, ministri i Jashtëm izraelit, Israel Katz, akuzoi Borrell-in për nxitjen e “anti-semitizmit dhe urrejtjes ndaj Izraelit”.

Katz kritikoi kryediplomatin në largim të BE-së, duke thënë: “Në vend që të shtyjë Bashkimin Evropian që t’i bashkohet sanksioneve të vendosura ndaj Iranit, Borrell mbështet krijimin e një shteti terrorist palestinez”.

In Madrid to participate in the mtg w/ European & Arab partners for the implementation of the 2-state solution

We need a new collective effort to stop the war in Gaza & finally make the common EU objective of 2 States, Palestine & Israel, living side by side in peace & security pic.twitter.com/wNeDnvAEbS

— Josep Borrell Fontelles (@JosepBorrellF) September 13, 2024