Deputeti gjerman “godet” Serbinë: Gjithnjë e më shumë po i ngjan një regjimi autoritar

Kryetari i Komisionit për Punë të Jashtme të Bundestagut, deputeti Michael Roth, ka thënë se Serbia gjithnjë e më shumë po ngjan në një regjim autoritar.

Me anë të një postimi në platformën “X”, Roth shpërndau një video ku dëgjohej zëri i presidentit serb, Aleksëndër Vuçië, në njërin nga sheshet e Beogradit përmes altoparlantëve.

“Serbia tingëllon gjithnjë e më shumë si një regjim autoritar. Presidenti Vuçiç mban një fjalim për festën kombëtare, i cili transmetohet drejtpërdrejt përmes altoparlantëve në sheshin kryesor të Beogradit. Të dashur miq në Bashkimin Evropian dhe SHBA, më thoni nëse kjo ndodh në ndonjë demokraci tjetër”, shkroi deputeti gjerman, Michael Roth.

Serbia sounds more and more like an authoritarian regime. President Vučić held a speech on National Statehood day, live broadcasted over loudspeakers at Belgrade’s main square.

Dear friends in 🇪🇺 and 🇺🇸, can you tell me, if this happens in any other democracy? pic.twitter.com/aZcLL3vWt9

— Michael Roth – official 🇪🇺🇺🇦🇮🇱 (@MiRo_SPD) February 17, 2024

Parlamenti Evropian ka miratuar një rezolutë ku kërkohet që të bëhet një hetim ndërkombëtar në lidhje me manipulimet e mundshme të zgjedhjeve të 17 dhjetorit./vizionplus.tv