“Dita më vdekjeprurëse”, ushtria izraelite deklaron se 21 ushtarë janë vrarë në Gaza

Një zëdhënës i Forcave të Mbrojtjes të Izraelit (IDF), Daniel Hagari, tha se mendohet se një granatë me raketa goditi një tank pranë dy ndërtesave ku ndodheshin.

Ai tha se ndërtesat shpërthyen, ndoshta si rezultat i minave që forcat izraelite kishin vendosur atje për t’i shkatërruar ato.

IDF thotë se është ende duke hetuar detajet e incidentit.

Izraeli ka kërkuar të eliminojë Hamasin që kur persona të armatosur vranë më shumë se 1300 njerëz në sulmet e 7 tetorit.

Të paktën 25,295 njerëz janë vrarë në Gaza që kur ushtria izraelite nisi një fushatë të gjerë ajrore dhe tokësore si përgjigje, sipas ministrisë së shëndetësisë të drejtuar nga Hamasi. Më shumë besohet se kanë vdekur nën rrënoja.

Top Channel