Festa e Demiral, ministria Gjermane: Simbole të tilla nuk kanë vend në stadiumet tona

Festimi i Merih Demiral pas golave të shënuar përballë Austrisë ka shkaktuar debat të fortë në Europë.

Pas golit të dytë Demiral shtrin të dy krahët në ajër dhe simbolizon të ashtuquajturën përshëndetje të ujkut me të dyja duart. Është simboli i një lëvizjeje ekstremiste të krahut të djathtë të quajtur Ujqërit Gri.

Çfarë simbolizon ky simbol?

Ujqërit gri është një term i përgjithshëm ku përfshihen grupe dhe gjithashtu individë. Në veçanti, partitë turke MHP (Partia e Lëvizjes Nacionaliste) dhe BBP (Partia e Unitetit të Madh) e shohin veten si anëtarë.

Martir dhe qëndrim idealist

Ata e përshkruajnë veten si idealistë (“Ülkücü” në turqisht) dhe ndjekin qëllimin e panturkizmit. Ata përpiqen të bashkojnë grupe popujsh që shtrihen nga Ballkani në Azinë Juglindore në një perandori të quajtur Turan. Qeveria kineze dyshon për lidhje me ujgurët, një grup etnik turqishtfolës në provincën Xinjiang.

Ata zotohen se do të “vazhdojnë luftën kundër komunizmit, kapitalizmit, fashizmit dhe çdo lloj imperializmi” dhe se kjo do të vazhdojë “deri në Turqinë nacionaliste, derisa të arrihet Turani”.

Reagimi nga Gjermania

Lidhur me festimin e Demirel ka reaguar edhe Ministria e Brendshme Gjermane, duke thënë se të tilla simbole nuk kanë vend në Gjermani.

“Simbolet e partisë së ekstremit të djathtë në Turqi nuk kanë vend në stadiumet tona. Të përdorësh këtë platformë, Euro 2024, për qëllime raciste nuk është e pranueshme”, tha ministrja e Brendshme e Gjermanisë, Nensi Faeser.