Festa e ditëlindjes kthehet në masakër, vriten 5 persona dhe plagosen 26 të tjerë

Festa e ditëlindjes së një 15-vjeçareje në Meksikë është kthyer në një masakër, pasi gjatë të shtënave me armë zjarri janë vrarë 5 persona dhe kanë mbetur të plagosur 26 të tjerë.

Mediat vendase raportojnë se sipas prokurorisë objektiv ka qenë kreu i një bande droge, i cili mendohej se ka qenë pjesë e festës.

Nga të shtënat me armë janë vrarë pesë persona (dy meshkuj dhe tre femra), thuhet në njoftimin e prokurorisë.

Autoritetet vijojnë hetimet për zbardhjen e plotë të ngjarjes.