Lulzim Basha ka paralajmëruar një konferencë për mediat ditën e sotme, e cila pritet të nisë pas pak minutash.
Ndërsa po hynte në seli, ai është pyetur në lidhje me vendimin e Gjykatës së Apelit, e cila i dha logon dhe vulën e Partisë Demokratike, Lulzim Bashës.
Basha theksoi se njeh dhe respekton vendimin e gjykatës.
Pas pak minutash pritet të mësohet edhe se cila do të jetë lëvizja e radhës e Lulzim Bashës pas vendimit të Gjykatës së Apelit ditën e sotme.
Basha: Në fund të fundit këtë betejë as nuk e vazhdojmë për logo dhe as për karrige, jemi bërë bashkë për diçka më të madhe. Kjo është një betejë shpirtrash për idealet e demokratëve. Sot është më e qartë se kurrë që Shqipëria meriton më shumë. Do të bëjmë gjithçka qe kemi në dorë, të vazhdojmë betejën tonë për një Shqipëri më të mirë. Nuk e komentoj vendimin e gjykatës.
Vendimet për hapat do ti diskutojmë tani me kolegët. Të gjitha vendimet që do të marrim do të jenë në përputhje me atë angazhim që kem i marrë para demokratëve. Synimi është largimi i kësaj qeverie dhe hapja e perspektives….
Pyetje: Si ta marrim këtë si një forcë e re politike?
Basha:…të një Shqipëria që meriton shumë më shumë sesa ka sot.