Incident me avionin privat të Donald Trump, Boenig godet krahun e një avioni tjetër gjatë uljes

Avioni privat Boeing 757 në pronësi të ish-presidentit amerikan Donald Trump goditi krahun e një avioni tjetër privat herët të dielën, më 13 maj, pas uljes në aeroportin ndërkombëtar West Palm Beach në Florida, tha një burim i Reuters.

Në një deklaratë të shkurtër për incidentin, Administrata Federale e Aviacionit (FAA) vuri në dukje se krahu i një 757 privat ra në kontakt”pasi u ul me një tjetër avion privat, të parkuar dhe bosh. FAA nuk specifikoi se 757 i përkiste zotit Trump.

Aksidenti ka ndodhur në një zonë të aeroportit ku pilotët nuk udhëhiqen nga FAA.

Ekipi i Donald Trump nuk u përgjigj kur Reuters kërkoi koment.

Trump foli në një aktivitet të fushatës në Wellwood, New Jersey, të shtunën. Incidenti ndodhi pasi avioni u ul në aeroportin West Palm Beach rreth orës 1:20 të mëngjesit të së dielës. /vizionplus.tv