Kina pritet të goditet nga tajfuni Yagi, mbyllen shkollat dhe anulohen fluturimet

Kina jugore pritet të goditet nga tajfuni Yagi.

Sipas njoftimit të agjencisë kineze të lajmeve, shumë shkolla janë mbyllur dhe shumë fluturime janë anuluar ditën e sotme.

Stuhia tropikale goditi Filipinet këtë javë, duke shkaktuar rrëshqitje dheu që vranë të paktën 13 njerëz dhe tani po kalon Detin e Kinës Jugore duke shkuar në perëndim drejt provincës Hainan të Kinës jugore.

#BREAKING – JTWC now forecasting #Yagi to be a borderline Cat 5 and a catastrophic hit on Vietnam and China 🇨🇳 🇻🇳 pic.twitter.com/1JjBjl3Md6

— Tyler Metcalf (@tymetwx) September 5, 2024

Sipas Xinhua, Yagi u forcua në det dhe tani klasifikohet si një tajfun, me erëra deri në 209 kilometra në orë. Tajfuni pritet të godasë të premten pasdite ose në Hainan ose në provincën fqinje.