Kinë/ Shpërthen zjarr në një konvikt ku rrinin fëmijë të vegjël, 13 persona të vdekur

Zjarri vdekjeprurës ndodhi të premten në mbrëmje në një shkollë për fëmijë të vegjël në fshatin Yanshanpu, provincën Henan.

Shkolla e drejtuar privatisht kujdeset për nxënësit e çerdheve dhe të moshës fillore, sipas China Daily. Menaxheri i shkollës, pranë qytetit Nanyang, është arrestuar dhe një hetim është duke u zhvilluar.

Një person tjetër po trajtohet në spital dhe ndodhet në gjendje stabile. Përmes kanaleve zyrtare nuk u dhanë detaje të mëtejshme për identitetin e të vdekurve apo shkakun e zjarrit. Ajo u shua më pak se një orë pasi zjarrfikësit u alarmuan, raportoi Xinhua.

Zjarret fatale në Kinë nuk janë të rralla për shkak të zbatimit të dobët të standardeve të ndërtesave dhe sigurisë.

Në nëntor, 26 njerëz vdiqën pasi një zjarr i madh shpërtheu në një ndërtesë zyre në qytetin Luliang, provincën Shanxi. Një zjarr në spital në Pekin prillin e kaluar mori jetën e të paktën 29 personave – kryesisht pacientë, ku gjatë një hetimi u arrestuan 12 persona.

Pamjet rrëqethëse të zjarrit treguan njerëz duke u ngjitur nga dritaret në njësitë e ajrit të kondicionuar për t’i shpëtuar flakëve.

Top Channel