.png){kind=spacer}
Pas përfundimit të mbledhjes së ministrave, ministrja Kumbaro në një deklaratë për mediat është shprehur se do ketë lehtësi në nxitjen e sektorit publik dhe realitete të reja në tregun e turizmit.
“Sot miratuam në mbledhjen e parë të qeverisë për këtë vit, ndryshime për një ligj të rëndësishëm. Turizmi ka qenë e do jetë kryefjalë, ligji i 2015 nuk i përgjigjej realitetit dhe dinamikave të reja. Edhe vizioni I qeverisë është shumë më i avancuar se ligji i 2015. Kjo bënte të nevojshme nevojën për ndryshime ligjore, qoftë për realitetet e reja në tregun e turizmit, kërkesat e konsumatorit, për të dhënë garanci më shumë për shërbime më cilësore. Është një mekanizëm edhe për formalizimin e tregut të turizmit.
Për të ecur më shpejt dhe për t’i dhënë nxitje sektorit privat kemi ndërmarrë një sërë ndryshimesh që kanë të bëjnë me lehtësimin e procedurave të praktikave burokratike qoftë në raport me Ministrinë e Turizmit dhe Mjedisit qoftë në raport me agjencitë e varësisë. Paralelisht me lehtësimin e procedurave shkon edhe me një kontroll të forcuar për të garantuar konkurrencë të ndershme për të garantuar raport të ndershëm me tatimet në shtet dhe për të forcuar gjithashtu edhe masat administrative aty ku këto rregulla shkelen.
Gjithashtu institucionet e turizmit që janë brenda ministrisë, ishte e nevojshme që praktika reale të pasqyrohej në ligjin e ri. Nga ana tjetër japim disa nxitje në ligjin e ri për zhvillim të qëndrueshëm gjithëvjetor, me oferta. Fusim disa dispozita që japin një rëndësi më të madhe statistikave në turizëm. Ky draft ka muaj që punohet, është diskutuar në shumë tryeza dhe po ecën paralelisht me dy nisma të tjera, si strategjia kombëtare e turizmit 2024-2030, e cila do mbyllet brenda pranverës së këtij viti”, u shpreh Kumabro.
Top Channel
English (US) ·