Leku vijon të qendrojë në pozita mjaft të forta në raport me monedhat e tjera dhe sidomos ndaj euros.
Madje, gjatë ditëve të fundit ka patur një stabilitet në kufijtë e ulët në kursin e këmbimit mes monedhës sonë dhe asaj europiane duke u vërtitur mes 104.3 dhe 104.5 lekë për një euro.
E njëjta situatë paraqitet edhe në raport me dollarin amerikan dhe paundin britanik, ç’ka duket se është një stabilitet i tregut pas shpenzimeve të fundit të vitit të shkuar, për t’u përgatitur për pranverën dhe sezonin e verës ku pritet një rritje tjetër e flukseve monetare nga jashtë.
Gjithçka ndodh edhe përballë një pritshmërie ndaj Bankës së Shqipërisë, e cila ka paralajmëruar një rritje tjetër të normave të interesit, gjë që pritet të forcojë edhe më tepër lekun.
Sipas BSH, një euro u këmbye sot mesatarisht me 104.23 lekë, një paund me 121.99 lekë dhe një dollar amerikan me 96.78 lekë. /vizionplus.tv