Lufta në Gaza, 70 të vrarë në sulmin ajror izraelit në kamp

Ministria e Shëndetësisë e Gazës deklaroi se një sulm ajror izraelit vrau të paktën 70 njerëz në kampin e refugjatëve, Al-Maghazi, në qendër të rripit. Një zëdhënës tha se numri i të vdekurve ka të ngjarë të rritet duke pasur parasysh numrin e madh të familjeve që jetojnë në zonë.

Ky sulm vjen pasi mediat izraelite dhe arabe thonë se Egjipti, i cili kufizohet me Rripin e Gazës, ka paraqitur një propozim të ri për një armëpushim midis Izraelit dhe Hamasit.

Lexo edhe :

Related Posts

Dhjetëra njerëz të plagosur u dërguan me urgjencë nga Maghazi në spitalin e afërt Al-Aksa, teksa videot tregojnë fytyrat dhe trupat e gjakosur të shumë fëmijëve.

Ministria e Shëndetësisë thotë se tre banesa u goditën në sulmin vonë të dielën.

Ndërkohë, një baba tha se kishte humbur vajzën dhe nipërit e tij, duke shtuar se familja e tij kishte ikur nga veriu për siguri në Gaza qendrore.

“Ne jemi të gjithë në shënjestër. Civilët janë në shënjestër. Nuk ka vend të sigurt. Ata na thanë të largoheshim nga qyteti i Gazës, tani erdhëm në Gazën qendrore për të vdekur.”

Shoqata e Gjysmëhënës së Kuqe Palestineze thotë se sulmet ajrore intensive izraelite kanë çuar në mbylljen e rrugëve kryesore midis Maghazi dhe dy kampeve të tjera të refugjatëve, Al-Bureij dhe Al-Nuseirat, duke penguar punën e ambulancave dhe ekipeve të shpëtimit./vizionplus.tv/