Propozimi i ri i Izraelit për marrëveshje me Hamasin, çfarë përfshin për pengjet, propozon çmilitarizimin e Gazës

Një propozim i ri për marrëveshjen me Hamasin thuhet se është paraqitur nga Izraeli, sipas Times of Israel, i cili synon të lirojë menjëherë të gjithë pengjet dhe t’i japë fund luftimeve në Rripin e Gazës, së bashku me një dalje të sigurt nga enklava për liderin e organizatës Yahia Sinuar dhe bashkëpunëtorët e tij.

Forumi i pengjeve dhe personave të zhdukur i bën thirrje qeverisë të mbështesë plotësisht propozimin. Sipas forumit, propozimi, i cili u prezantua nga kryeministri Benjamin Netanyahu, përfshin lirimin e menjëhershëm të 101 pengjeve njëherësh  dhe është një mundësi për të forcuar sigurinë në Izrael.

Propozimi, siç raportohet nga forumi, është paraqitur në Uashington para liderëve nga vendet arabe dhe ka marrë një përgjigje pozitive. Forumi u bën thirrje të gjithë anëtarëve të qeverisë që të mbështesin publikisht propozimin, i cili përfshin, përveç lirimit të pengjeve, fundin e konfliktit në Gaza.

Sipas rrjetit radio Kan, propozimi i qeverisë izraelite përfshin lirimin e menjëhershëm të pengjeve, përfundimin e konfliktit në Gaza dhe daljen e sigurt të Sinwar dhe bashkëpunëtorëve të tij nga Gaza. Përveç kësaj, ai propozon lirimin e të burgosurve palestinezë të mbajtur në burgjet izraelite, çmilitarizimin e Gazës dhe krijimin e një sistemi të ri qeverisjeje në rajon./vizionplus.tv