Mijëra protestues marshojnë në Dublin, brohorasin: Palestinë e lirë!

Demonstruesit valëvitën flamuj palestinezë dhe mbanin pankarta kritike ndaj qeverive irlandeze, amerikane dhe izraelite.

Gjatë protestës u dëgjuan brohoritmat “Palestinë e lirë, e lirë”, ndërsa të tjerë kërkuan një armëpushim në Gaza.

Ata gjithashtu kërkuan dëbimin e ambasadorit izraelit në Irlandë dhe që qeveria irlandeze të mbështeste çështjen e Afrikës së Jugut kundër Izraelit në Gjykatën Ndërkombëtare të Drejtësisë

Ndërkohë një protestë masive pro-Palestinës është organizuar edhe në Londër, teksa numri i pjesëmarrësve ka qenë i lartë. Deri më tani dy persona janë vënë në pranga, për shkak të trazirave që kanë shkaktuar.