Netanyahu: Sulmi ndaj Iranit ishte i saktë, i arriti të gjitha objektivat

Kryeministri izraelit Benjamin Netanyahu tha se sulmi ajror i së shtunës kundër objektivave ushtarake në Iran ishte “i saktë dhe i fuqishëm” dhe “i ka arritur të gjitha objektivat”.

“Sulmi ishte i saktë dhe i fuqishëm, ai i arriti të gjitha objektivat e tij”, tha kryeministri izraelit në deklaratën e parë publike në lidhje me sulmet izraelite, gjatë një ceremonie në përvjetorin e parë hebre të sulmit të Hamasit në Izraelin jugor më 7 tetor 2023. .

“Irani sulmoi Izraelin me qindra raketa balistike dhe ai sulm dështoi”, tha ai, duke iu referuar sulmit iranian të 1 tetorit, në të cilin shumica e raketave iraniane u kapën nga mbrojtja raketore izraelite.

“Pastaj ne premtuam se do të reagonim fuqishëm dhe në orët e para të së shtunës mbajtëm premtimin. Forcat ajrore sulmuan Iranin dhe dëmtuan aftësitë e Iranit për të mbrojtur dhe rrëzuar raketa që na synonin ne”, tha ai. /vizionplus.tv