Patushi: Absurde që Colella i Partizanit u la jashtë trajnerit të vitit

“Më të mirët 2023”, ishte një tjetër pikë diskutimi ku u ndalën të ftuarit në “Studio Sport” të moderuar nga Vilma Masha në Vizion Plus.

Sa i përket përzgjedhjes së trajnerit më të mirë të vitit, për ish-futbollistin Saimir Patushi pati një absurditet.

Sipas tij nuk është normale që një trajner që doli kampion me Partizanin mos jetë as në listën e më të mirëve.

“Nuk po them që ta kishte marrë ai çmimin si trajneri më i mirë, por të dalësh kampion me Partizanin dhe të mos jesh as në podium kjo është absurde”, tha Patushi.

/Vizionplus.tv/