Pjesë të avionit u shkëputën në fluturim, gjenden në një banesë në SHBA

Janë gjetur disa pjesë nga avioni Boeing 737 Max e Alaska Airlaines, të cilat u shkëputën gjatë fluturimit të premten e kaluar.

Mediat amerikane bëjnë me dije se pjesë të avionit u gjetën në banesën e një mësuesi në Portland.

Ngjarja ndodhi të premten rreth orës 18:30 minuta me orën lokale, pak pasi avioni u ngrit nga Aeroporti Portland me destinacion Ontario, Kaliforni, kur humbi një pjesë ndërsa ishte në ajër.

BREAKING: An @AlaskaAir @Boeing 737-8MAX Lost A Large Section Mid-Air & Made An Emergency Landing In Oregon. Alaska Airlines Crew Did A Magnificent Job & No One Was Seriously Injured.
The 737 MAX Has Been Plagued With Issues Since Its Introduction! pic.twitter.com/9l0eZHA7cS

— John Basham (@JohnBasham) January 6, 2024

Avioni u detyrua që të kthehej dhe të bënte ulje urgjente në aeroportin e Portlandit.

Nga incidenti pati disa lëndime të lehta, por nuk kishte pasagjerë në dy sediljet ngjitur me derën e shkëputur. “Ne jemi shumë me fat që kjo nuk u kthye në diçka më tragjike,” tha shefja e agjencisë Jennifer Homedi gjatë një konference për shtyp të shtunën.