Protesta e opozitës para bashkisë, policia njofton planin e masave: Rrugët që do të bllokohen

Ditën e sotme opozita do të zhvillojë protestën e radhës para bashkisë së Tiranës. Policia, me qëllim mbarëvajtjen e këtij tubimi, do të bllokojë disa segmente rrugore.

“Për shkak të zhvillimit të një tubimi, ditën e sotme, në orën 11:00, përpara Bashkisë Tiranë, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve”, thuhet në njoftim. .

Prej orës 11:00 e deri në përfundim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.

Policia apelon për të gjithë qytetarët që të shmangin lëvizjen në këto akse rrugore dhe të përdorin rrugë alternative, deri në përfundim të tubimit, si Unaza e Mesme dhe Unaza e Madhe./vizionplus.tv