Shembet tavani i lokalit, 30 persona të plagosur në një dasmë në Itali

Tridhjetë persona u plagosën sot kur u shemb tavani gjatë një pritjeje martese në një ish-manastir të shekullit të 15-të në një fshat pranë qytetit toskan të Pistoia, thanë autoritetet italiane.

Guvernatori Eugenio Giani tha se pesë të plagosurit janë në gjendje kritike.

Pritja u mbajt në një restorant që dikur ka qenë manastir. Të plagosurit u dërguan në disa spitale në zonë, përfshirë Firencen.

Zjarrfikësit nxorrën njerëzit nga nën rrënoja, njoftoi agjencia italiane ANSA. Askush nuk është raportuar i zhdukur.

Shkaku i shembjes së tavanit ende nuk është përcaktuar. /vizionplus.tv