Shembja e papritur e dheut pas reshjeve lë 18 të vdekur në rrugën malore në Kolumbi

Disa pamje tmerri janë regjistruar në Kolumbi ku një rrëshkitje e papritur dheu pas shirave të rrëmbyeshëm ka vrarë të paktën 18 njerëz dhe ka plagosur shumë të tjerë, që udhëtonin në rrugën e faqes së shembur të dheut.

Rrëshkitja e pasdites së djeshme ndodhi fatkeqësisht teksa automjetet prisnin të rruga të rihapej pas bllokimit prej rënies së gurëve.

Shumë viktima raportohet se ishin ende brenda automjeteve të tyre kur orteku i baltës e gurëve vërshoi drejt tyre duke i mbuluar.

Tragjedia ndodhi në rrugën mes qytetit Quibdo, qendra e rajonit Choco, dhe Medellin.

Rrëshqitja e dheut ishte një nga tre që ndodhën në pjesën 3 km të gjatë të rrugës në zonë e quajtur Las Toldas.

Raportimet fillestare flisnin për pesë të vdekur por zyrtarët në Choco njoftuan sot se kishin rekuperuar 17 trupa nga zona e tragjedisë.

“Njëzetepesë të plagosur janë dërguar në spitalet e zonës. Operacionet e kërkimit e shpëtimit vijojnë”, shtonin ata.

Një i mbijetuar që fliste teksa përpiqej të ndihmonte viktimat bashkë me vullnetarë të tjerë, tha:

“Është një tragjedi e madhe, disa trupa të pajetë janë nxjerrë, mes tyre kishte gra e fëmijë. Disa automjete janë ende të bllokuara. Besohet se njerëzit ishin duke fjetur në to”.

Tragjedia ndodhi disa orë pas shirave të dendur në zonë.

Presidenti kolumbian Gustavo Pedro komentonte mëngjesin e sotëm: “Po dërgojmë të gjithë ndihmën e mundshme në Choco për tragjedinë e rëndë.”

Top Channel