Shënoi një nga golat kundër Gjermanisë, lojtari spanjoll ia dedikon fitoren shokut të skuadrës

Dani Olmo ishte një nga protagonistët kryesorë të ndeshjes mes Spanjës dhe Gjermanisë këtë të premte në Shtutgart, duel që u vendos nga goli i Merinos në pjesën e fundit të kohës shtesë.

Sulmuesi katalanas, i cili shënoi golin e parë dhe i shërbeu të dytin në pjatë Merinos, u zgjodh lojtari më i mirë i ndeshjes. Olmo pranoi në fund të ndeshjes se ishte i rraskapitur.

“Është një nder të luaj me këtë ekip të madh. Ne luftuam deri në fund dhe ia arritëm. Është një gëzim i madh”, tha ai.

“Tani shpresojmë që dëmtimi i Pedrit nuk është asgjë, se është thjesht një goditje sepse ai është një lojtar shumë i rëndësishëm për ne. Kjo fitore është për Pedrin dhe tani, në gjysmëfinale”, shtoi ai. /vizionplus.tv