Shiste kokainë dhe hashash, arrestohet shqiptari në Itali, shoku i tij nën hetim

Një shqiptar është arrestuar nga policia e Bolzanos dhe një tjetër është nën hetim për posedim të lëndëve narkotike me qëllim tregtimin.

Policia italiane ushtroi kontroll në banesën 47-vjeçarit shqiptar me disa dosje policore në ngarkim të tij.

Gjatë kontrollit policia gjeti 434 g kokainë, 1540 gr hashash, dhe 10.750 euro që dyshohet se kanë ardhur për shkak të veprimtarisë së paligjshme.

Ndërsa shqiptarit tjetër policia i gjeti 89 gram hashash dhe 8000 euro. Për këtë të fundit filloi procedimi penal./vizonplus.tv