Shoferi humb kontrollin e makinës në Fier, mjeti përfundon në kanal

Një aksident është regjistruar paraditen e sotme në aksin Fier-Levan, në vendin e quajtur “Kthesa e liqenit “.

Shoferi i një automjeti tip “Volkswagen“ ka humbur kontrollin dhe si pasojë mjeti ka dalë nga rruga.

Menjëherë në vendin e ngjarjes ka mbërritur policia dhe ambulance, e cila ka transportuar drejtuesin e mjetit në spitalin rajonal të Fierit.

I lënduari ka marrë dëmtime të lehta dhe ndodhet nën kujdesin e mjekëve, jashtë rrezikut për jetën.

Ndërkohë, policia dhe grupi hetimor po punojnë për zbardhjen e shkaqeve të aksidentit./vizionplus.tv