Shpërthim i fuqishëm në qendrën e stërvitjes së ushtrisë çeke, plagosen ushtarët

Një shpërthim i fuqishëm ka ndodhur në një terren stërvitor të ushtrisë çeke.

Si pasojë 9 ushtarë kanë mbetur të plagosur. Dy prej tyre u transportuan me helikopter në spital, tha Adam Fritscher, zëdhënësi i Spitalit Universitar Olomouc.

Shpërthimi ndodhi mëngjesin e sotëm në  zonën e stërvitjes Libava në lindje të Republikës Çeke, tha ushtria në një deklaratë.

“Kemi të bëjmë me një aksident të rëndë në zonën e stërvitjes ushtarake Libavá, ku kanë shpërthyer municione. Fatkeqësisht në vendngjarje ka të lënduar. Po mundohemi të japim ndihmë sa më shpejt, po ndërhyn helikopteri i shpëtimit. Ngjarja po trajtohet nga Policia Ushtarake”, thuhet në deklaratë.

Řešíme vážnou nehodu ve vojenském výcvikovém prostoru Libavá, kde vybuchla zatím blíže neurčená munice. Na místě jsou bohužel zranění. Snažíme se poskytnout co nejrychlejší pomoc, zasahuje vrtulník záchranné služby. Událost řeší Vojenská policie.

— Armáda ČR (@ArmadaCR) June 17, 2024

Ndërsa zëdhënësi i Spitalit Universitar tha se nuk kishte informacione për shkallën e plagëve.

“Për momentin kemi informacion për nëntë persona të lënduar. Katër do të transportohen tek ne, dy me helikopter, dy me ambulancë, katër të tjerë në spitalin ushtarak Olomouc dhe një u trajtua në vend,” tha Adam Fritscher./vizionplus.tv