“Shqipëria e përfshirë në tregti të paligjshme të mbetjeve të rrezikshme”, Rama i përgjigjet Bardhit: Telenovelë, goja shumë-tellallëshe merret me mua qëkur hyra në politikë

Kthimi në Shqipëri i 816 tonëve mbetje që dyshohet se janë toksike kanë ngritur një debat të madh. Mbetjet kanë dalë nga Porti i Durrësit me destinacion Tajlandën, e më pas u rikthyen sërish në Shqipëri.

Në 24 gusht, Ministria e Infrastukturës dhe Energjisë dhe Ministria e Turizmit e Mjedisit reagun në një deklaratë të përbashkët lidhur me çështjen e mbetjeve. Në deklaratë u theksua se që prej momentit të parë të sinjalizimit të këtyre dyshimeve muajin e kaluar, nisi një hetim i përbashkët me Zyrën e Bashkimit Evropian kundër Mashtrimit.

Lidhur me këtë çështje, opozita ka kërkuar interpelancë me kreun e qeverisë Edi Rama. Ishte kreu i Grupit Parlamentar të PD-së, Gazment Bardhi ai që parashtroi Interpelancën gjatë seancës së sotme plenare. Sipas Bardhit, qveria duhet ta kishte sqaruar këtë çështje që në momentin që u bë publik lajmi dhe nuk duhet të kishte pritur interpelancën. Ai hedh akuza se kjo nuk është hera e parë që nga Porti i Durrësit kanë dalë mbetje të rrezikshme.

Bardhi: Qeveria duhet ta kishte sqaruar këtë çështje pa pasur nevojë për interepelancë. Në 8 gush 2024 tre organizata ndërkombëtare të mjedisit denoncuan faktin se tre anije të nisura nga Porti i Durrësit po transportonin mbetje të rrezikshme. Kur Tajlanda mësoi për ngarkesën që po transportonin anijet refuzoi t’i priste. Aktualisht sipas informacioneve të bëra publike, me 816 ton mbetje po kthehen në Portin e Durrësit. Hiri i tranposrtuar nga Porti i Durrësit i takon firmës “Sokolaj sh.p.k”, e licencuar nga kjo qeveri dhe mbetjet kanë të bëjnë me fabrikën Kurum në Elbasan që prodhon çelik dhe hekur. Në muajin prill po nga Porti i Durërsit janë nisur për në Kinë gjithashtu disa ton mbetje të rrezikshme të cilat mbahen të bllokuara dhe pritet të kthehen në portin e Durrësit. Ka dyshime serioze se Shqipëria ka shkelur konventën e Bazelit, traktakin e Kombeve të bashkuara që rregullon tregtinë e mbetjeve të rrezikshme. Vendet nënshkruese, mes tyre dhe Shqipëria nuk lejohet të dërgojnë mbetje helmuese në një vend pa marrë miratimin e vendit tjetër. Ka dyshime se Shqipëria është përfshirë në një tregti të paligjshme të mbetjeve të rrezikshme. Kjo tregon se nuk kemi të bëjmë me një rast të izoluar. Kryeministri Edi Rama të na shpjegojë për çfarë bëhet fjalë, kujt i përkasin mbetjet, çfarë veprimesh kanë kryer autoritetet shqiptare, si janë lejuar të eksportohen pa lejen përkatëse nga Porti i Durrësit, kush i ka lejuar të kalojnë nga dhe përmes Portit të Durrësit. Sqarimin e këtyre çështjeve duhet ta kishit dhënë qëkur doli lajmi.

Duke iu përgjigjur Bardhit, kreu i qeverisë Rama tha se ka vetëm dyshime dhe asnjë fakt se mbetjet e rrezikshme janë transporuar nga Shqipëria. Ai theksoi se duhet të pritet përfundimi i hetimeve dhe mos të dilet në përfundime dhe të mos caktohen fajtorë.

Edi Rama: Burimi i kësaj televoneve politike të fundverës që u shfaq paralelisht me atë të ngjarjes së Pogradecit, ku një i varër u bë mish i grirë për gojën e pandjeshme të politikës, ishte një sinjalizim për një transport mbetjesh të rrezikshme nga Shqipëria drejt Azisë. Vetë Organizata Ndërkombëtare Joqeveritare të cilës i referohet edhe teksi i vajtueshëm i kërkesës për intereplancë shprehet se ka dyshime për mundësinë që një sasi mallrash të nxjerra nga përpunimi industrial në Shqipëri të transportohen drejt Azisë. Ka dyshime, asnjë provë. Sidoqoftë që në çastin e sinjalizmit agjencitë ligjzbatuese i kanë trajtuar këto dyshime me vullnetin e duhur për të hetuar dhe bashkëpunuar me organizatat ndërkombëtare. Edhe pse hetimet sot vazhdojnë, janë ngritur akuza dhe janë caktuar fajtorë. Qëkur ajo gojë shumëtellalëshe merret me mua qëkur hyra në politikë, më është bërë si rregull një akuzë në javë. Unë kam kohë që nuk merrem me akuzat. Mjaftohem hera herës me paditë në Gjykatë ku deri tani goja shtatë penxherëshe janë shpallur shpifës me vendim të formës së prerë. Këtë rast luhet jo me mua, por me nervat dhe ndjeshmërinë njerëzore të shiqptarëve të cilëve po u flitet për Shqipërinë si një gropë mbetjesh të rrezikshme kam detyrimin të sjell disa fakte të thjeshta, pastaj vetëm hetimi mund të japë përgjigje përfundimtare./vizionplus.tv