Sot protesta e opozitës/ Disa rrugë të bllokuara në Tiranë, rreth 1200 forca policore në gatishmëri

Kjo është protesta e parë që ish-kryeministri, Sali Berisha nuk do të jetë prezent fizikisht për shkak se ndodhet në “arrest shtëpiak”.

Policia e Shtetit njofton se ka marrë masa për të ruajtur sigurinë dhe rendit. Rreth 1200 forca policore do të jenë të pranishme, ndërsa me rëndësi të veçantë është ruajtja e institucioneve.

Rrugët që do të bllokohen para dhe gjatë protestës janë: Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Dyert e Kryeministrisë janë të blinduara me veshje metalike., ndërsa policia ka instaluar përgjatë gjithë bulevardit kamera me rezolucion të lartë.

Zhvillimi i kësaj proteste 20 shkurt përkon me rrëzimin e bustit të ish-diktatorit Enver Hoxha.

Top Channel