SPAK kërkon arrest shtëpie për Berishën, gjykata merr nesër vendimin

Sali Berisha do të njihet nesër me masën e sigurisë që Gjykata e Posaçme do të vendosë për të. Seanca pritet të fillojë në orën 10:00, ndërsa SPAK ka kërkuar për ish- kryeministrin e vendit të caktohet arrest shtëpie.

Kërkesa e dy prokurorëve të çështjes ka ardhur pasi Berisha nuk zbatoi masën e detyrimit për  të paraqitur dy herë në muaj që gjykata kishte vendosur ndaj tij.

Dy janë vendimet e mundshme që gjyqtarja Irena Gjoka mund të marrë të martën. Ajo mund të lërë në fuqi masën ekzistuese ndaj tij, atë të detyrimit të paraqitjes, sikundër edhe mund të vendosë të pranojë kërkesën e prokurorisë së posaçme për arrestin shtëpiak. /vizionplus.tv