Spanja favorite ndaj Anglisë, kritikët dhe bastet i japin më shumë shanse, gjykon francezi Letexier

Finalet janë gjithnjë shumë të vështira për tu parashikuar, ndonëse analiza për çka kanë dhënë ekipet deri më tani në Euro 2024, favorizon Spanjën.

Iberikët referuar edhe ekspertëve të futbollit, por kompanive të basteve kanë më shumë shanse për të fituar titullin kontinental në datë 14 korrik të dielën në mbrëmje në finale e madhe të Berlinit, ku do të kenë përballë Anglinë.

Është një moment i artë për spanjollët të cilët gëzojnë një formë të mirë sportive, i besojnë filozofisë së lojës së tyre me dominim në mbajtjen e topit, edhe ose tanimë me Dela Fuenten, jo përmes topave horizonte si Barcelona e viteve te mëparshme por përmes vertikalizimeve.

Kanë aktualisht mesfushën më të fortë në botë, madje edhe me mungesën e një talenti si Pedri, dhe kanë dy anësore ofensive që bëjnë diferencën sikurse djaloshi i ri Niko Uilliams dhe adoleshenti Lamin Jamal i cili vetëm një ditë para finales mbush 17 vjeç.

Mënyra si kanë ardhur deri në finale me ndeshje të pavëna në diskutim, përjashto gjysmën e lojës ndaj Gjermanisë, janë elemente që e bëjnë favorite për të fituar trofeun e 4 në histori të kampiones së Europës. Pengesa e fundit është Anglia, një ekip që ka pasur në shumë turne skuadra me yje ne organikë, por nuk ka ditur të fitojë.

Edhe këtë herë ka një skuadër me miks mes veteranëve dhe talentëve ku spikasin Belingham, Saka dhe Foden. Ngërci më i madh i tyre është loja me oshilacione, e cila i bën kritikët e futbollit të besojnë se ata kanë më pak shanse se Spanja.

Megjithatë përtej kritikave, e vërteta është se brenda tre vitesh ata janë dy herë në finalet e Europianit..a do të arrijnë të bëjnë dot atë që se bënë ndaj Italisë në 2021, kjo mbetet për tu parë…finalja e madhe e 14 korrikut do të gjykohet nga francezi Leteskise, i cili fitoi balotazhin ndaj polakut Marciniak dhe italianit të pensionart tashmë Orsato