Tensionet në Kuvend, PS kërkon përjashtimin e 3 deputetëve të opozitës

Grupi parlamentar i Partisë Socialiste ka kërkuar masë disiplinore për 3 deputetët e opozitës.

Gazetarja e Vizion Plus Enkelejda Mema bën me dije se masa është kërkuar për Flamur Nokën, Bledjon Nallbatin dhe Saimir Korreshin.

Sekretariati i Etikës do të mblidhet nesër në orën 13:00për vendimin.

Kjo kërkesë erdhi pas veprimeve të dhunshme që deputetët e pakicës bënë në Parlament. Në një moment, teksa janë ndaluar për të hyrë në seancë, Noka shtyu gardistin dhe tentoi ta dhunonte.

Prej disa muajsh tashmë, që kur opozita ka vendosur mosbindje civile në Kuvend, mazhoranca ka miratuar e vetme një sërë ligjesh, por edhe ka përjashtuar pjesën më të madhe të deputetëve./vizionplus.tv