Tragjedi në Brazil, 25 persona humbin jetën në një aksident rrugor

Të paktën 25 persona humbën jetën në një përplasje mes një autobusi dhe një kamioni në shtetin Bahia, në verilindje të Brazilit, thanë sot zyrtarët e shtetit.

“Zjarrfikësit ushtarakë u mobilizuan pasi morën informacione për një aksident trafiku, i cili rezultoi në 25 të vdekur dhe ndodhi në autostradën BR 324, pranë qytetit Gaviao”, thanë autoritetet.

Aksidenti ndodhi rreth 250 kilometra nga Salvadori, kryeqyteti i shtetit Bahia. Pesë persona u plagosën gjithashtu në aksidentin, i cili ndodhi gjatë natës të dielën, sipas mediave braziliane.

Trupat e të ndjerëve u janë dorëzuar organeve kompetente për identifikim.

Nuk dihen ende shkaqet e aksidentit. Sipas pamjeve të publikuara nga shtypi vendas, kabina e kamionit, i cili mbante mango, është shkatërruar plotësisht nga përplasja.

Bashkia e Giacombina-s, një qytezë afër vendit ku ndodhi aksidenti, shpalli sot tre ditë zie dhe po përgatit një “vigjilje” për viktimat. /vizionplus.tv