.png){kind=spacer}
Një helikopter i Kombeve të Bashkuara me 6 punonjës të ndihmave humanitare është rrëmbyer nga grupi terrorist al-Shabab, pasi u detyrua të bënte ulje emergjente në territorin që ndodhet nën kontrollin e grupit të armatosur somalez.
Punonjësit e ndihmës që ishin në aeroplan tani mbahen peng nga grupi i armatosur i lidhur me Al-Kaedën, i cili ka shkaktuar dhunë në Bririn e Afrikës për dekada, raportoi Al Jazeera, cituar nga agjencia lokale e lajmeve somaleze “kaabtv”.
Një raport i OKB-së thotë se: “Helikopteri u ul pranë fshatit Gaboon në rajonin Galgaduud për shkak të një defekti teknik”. Incidenti u konfirmua gjithashtu nga një zyrtar i OKB-së në Mogadishu.
Sipas OKB-së, kishte nëntë pasagjerë në aeroplan, duke përfshirë personelin ushtarak dhe një kontraktor të palës së tretë. Gjashtë prej tyre thuhet se janë marrë nga grupi, ndërsa 2 pasagjerë kanë shpëtuar dhe mbeten të lirë.
“Të gjitha fluturimet e OKB-së janë pezulluar përkohësisht në afërsi deri në njoftimin e mëtejshëm”, thuhet në një pjesë të memo. Detaje të tjera, duke përfshirë kombësinë e personave në bord, mbeten të paqarta.
Top Channel
English (US) ·