VIDEO/ Momenti i grabitjes së marketit në Kavajë, policia sekuestron kallashnikovin

Ky është momenti i grabitjes nën kërcënimin e armës së zjarrit, në një market në Qerret. Nën kërcënimin e kallashnikovit, autori tanimë i arrestuar, ka marrë paratë nga kasa duke kërcënuar punonjësen.

Policia njoftoi se ka vënë në pranga autorin që shfaqet në video duke kryer grabitjen. Ai është identifikuar si Everest Shala, 25 vjeç, banues në Qerret.

Lexo edhe :

Related Posts

Po ashtu, gjatë grabitjes së regjistruar një ditë më parë, 25-vjeçari nën kërcënimin e armës ka marrë para edhe nga klientët e marketit.

Policia njofton se ka sekuestruar edhe kallashnikovin, të cilin i riu e kishte hedhur në një kanal me ujë.

“Si rezultat i veprimeve të thelluara, Policia bëri të mundur gjetjen dhe sekuestrimin në cilësinë e provës materiale, të armës së zjarrit kallashnikov, të cilën autori i dyshuar e kishte hedhur në një kanal me ujë, në Qerret, Kavajë”, njofton policia./vizionplus.tv.