VIDEO/ Nis seanca gjyqësore, Apeli vendos sot për vulën e PD, dalin pamjet nga brenda sallës

Ditën e sotme mbahet gjyqi për vulën e Partisë Demokratike. Grupi i Rithemelimit prej 3 vitesh pretendon se vula i takon Partisë Demokratike të drejtuar nga Sali Berisha.

Nga ana tjetër, Lulzim Basha, referuar regjistrimit të partive politike njihet si kryetari legjitim i PD-së, duke bërë kështu që vulën dhe logon e kësaj partie, ta kontrollojë ai dhe mbështetësit e tij, në atë që njihet si PD zyrtare.

Lexo edhe :

Related Posts

Çështja do të gjykohet nga një treshe gjyqtarësh me relatore Alma Ahmeti, ndërsa dy anëtarët janë Iliba Bezati dhe Elona Toro dhe vendimi do të jetë i formës së prerë.

Në seancën e 27 dhjetorit të vitit të shkuar Gjykata e Lartë i kërkoi Apelit të vendosë përfundimisht për këtë çështje. Në argumentet e saj, Gjykata e Lartë u shpreh se Apeli nuk kishte kryer një hetim të plotë të çështjes, nuk kishte kuptuar natyrën e mosmarrëveshjes dhe kishte interpretuar gabim normat dhe ligjin procedural.

Të pranishëm nga PD e Rithelemimit janë Gazment Bardhi, Flamur Noka, Agron Gjekmarkaj, Albana Vokshi, Luciano Boci, Luan Baci dhe Elda Hoti. Përfaqësuesit ligjor janë Oerd Bylykbashi e  Ivi Kaso. Ndërkohë nga PD e Bashës, përfaqësues ligjor janë Indrit Sefa dhe Rezart Kthupi, ndërsa i pranishëm është edhe anëtari i Kryesisë Endri Hasa. /vizionplus.tv