Vrajsa e të riut në Fier/ Si nisi sherri për thikën dhe vijoi edhe në rrjetet sociale, viktima shkoi të sqarohej, autori: Nuk doja ta godisja, por…

Zanafilla e sherrit ka qenë një thikë që autori Muka ua kishte dhënë shokëve të viktimës dy muaj më parë. I riu nuk e kishte marrë kurrë mjetin e ftohtë pas megjithëse kishte kërkuar që ti kthehej. Pas një sherri, Florjan Muka arriti më në fund ta merrte nga ata.

Ky sherr mes të rinjve është pasuar nga një tjetër sherr në rrjetet sociale, i cili ka degraduar deri në komente fyese. Të rinjtë u takuan ditën e djeshme në Fier për t’u sqaruar dhe mbyllur debatin, megjithatë situata ka përshkallëzuar në përplasje me thikë, nga e cila ka mbetur i plagosur Grei Bihuci së bashku me 20-vjeçarin Olti Serjanaj. Bihuci nuk mundi t’iu mbijetonte dot plagëve të rënda duke humbur jetën në spitalin e Fierit, ndërkaq Olti Serjanaj ndodhet jashtë rrezikut për jetën.

Policia ka bërë të mundur arrestimin e Florjan Mukës dhe të riut tjetër, i cili e shoqëroi në përplasjen e djeshme.

Top Channel