Kryetari i një qyteti në veri të Austrisë u qëllua për vdekje të hënën në mëngjes dhe i dyshuari është duke u kërkuar, tha policia lokale.
Franz Hofer, kryebashkiak i qytetit të Kirchberg ob der Donau, u vra në Altenfelden, afër kufirit me Gjermaninë dhe Republikën Çeke.
Një burrë tjetër gjithashtu u vra më vonë, tha zëdhënësja e policisë së Austrisë së Epërme Ulrike Handelbauer për CNN.
I dyshuari u largua nga vendi i ngjarjes dhe një operacion policor në shkallë të gjerë që përfshin helikopterë dhe forca speciale është duke u zhvilluar, tha ajo.
“Fatkeqësisht, ne supozojmë se autori që po kërkojmë mund ta ketë armën me vete”, tha Handelbauer, sipas mediave lokale.
Policia tha për CNN se motivi i krimit duket të jetë një mosmarrëveshje mbi të drejtat e gjuetisë. /vizionplus.tv