Zjarret në Portugali, humbin jetën shtatë persona, mes tyre tre zjarrfikës

Zjarret që kanë përfshirë Portugalinë, kanë lënë shtatë persona të vdekur, ku tre prej tyre janë zjarrfikës.

“Me pikëllim njoftojmë vdekjen e tre zjarrfikësve, dy gra dhe një burrë, të cilët u bllokuan në flakë ndërsa po luftonin me flakët pranë Nellas, në rajonin Viseu (në veri)”, tha për shtyp drejtori i Mbrojtjes Civile Andre Fernandez.

Një raport i mëparshëm, i transmetuar më herët nga agjencia publike e lajmeve Lusa, tha se katër persona kishin vdekur nga zjarret që shpërthyen në Portugalinë qendrore dhe veriore dhe më shumë se 40 u plagosën.

Të paktën 1000 zjarrfikës punuan gjatë natës për të kontrolluar një grup prej katër zjarresh në qytetin veriperëndimor të Aveiro.

Për momentin janë 48 zjarre aktive në Portugali për shuarjen e të cilave janë mobilizuar 5000 zjarrfikës.

Vetëm në Aveiro, flakët kanë djegur më shumë se 100,000 hektarë pyje dhe shkurre në dy ditët e fundit, thanë zyrtarët, për të njëjtën zonë të konsumuar nga zjarret deri në fund të gushtit në të gjithë vendin. /vizionplus.tv