Aksident në Lezhë, shoferja humb kontrollin, “Golfi” përfundon në dyqanin e dyshekëve

Një aksident është regjistruar pasditen e sotme në “Shtraus” në dalje të Lezhës.

Një automjet tip “Golf” ka dalë nga rruga dhe është përplasur në një ambient biznesi.

“Rreth orës 17:20, në afërsi të vendit të quajtur “Ura e Cenit”, shtetasja E. B., 28 vjeçe, banuese në Lezhë, ka humbur kontrollin mbi drejtimin e automjetit, i cili për pasojë ka dalë nga rruga duke u futur në ambientet e një dyqani”, njoftoi policia zyrtarisht. 

Fatmirësisht drejtuesja e mjetit nuk ka pësuar lëndime.

Policia ndodhet në vendin e ngjarjes dhe po kryhen verifikimet e nevojshme.

/vizionplus.tv