Dy persona vjedhin 10 mijë euro në biznesin ku punonin, arrestohen nga policia e Tiranës

Dy persona janë arrestuar nga policia e Tiranës pasi akuzohen se kanë vjedhur 10 mijë euo në subjektin ku ishin të punësuar.

Në kuadër të operacionit policor u bë arrestimi i shtetasve G. K., 34 vjeç, dhe T. C., 49 vjeç, të dy banues në Tiranë.

Nga veprimet hetimore të kryera ka rezultuar se këta shtetas, në periudha të ndryshme kohore, kanë vjedhur shumën 10 000 euro, në një subjekt ku ishin të punësuar, në lagjen “Ali Demi”.

Nga kontrollet e ushtruara në aparatet e tyre celular ka rezultuar se këta shtetas ushtronin veprimtarinë e paligjshme të organizimit të lotarive të palejuara (basteve sportive), nëpërmjet aparateve të tyre celular./vizionplus.tv