Fundoset në Grenlandë anija që transportonte mijëra litra naftë

Një anije që transportonte rreth 20,000 litra naftë është përmbysur në Grenlandë.

Sipas mediave të huaja anija ka goditur një shkëmb në afërsi të Nanortalikut dhe filloi të merrte ujë.

Autoritetet po punojnë për të kontrolluar një derdhje të karburantit në ekosistemin e brishtë të Arktikut.

“Mbrëmë, rreth orës 1.45, një anije goditi një shkëmb në afërsi të Nanortalikut dhe filloi të merrte ujë”, thuhet në njoftimin e policisë.

Anija, rreth 30 metra e gjatë, u mbyt rreth orës 7 të mëngjesit. Për momentin është e pamundur të konstatohet shkalla e dëmtimit të mundshëm në mjedis. Autoritetet thanë se kanë vendosur një pengesë lundruese në një rreze prej 50 metrash rreth zonës së rrënimit.

Zjarrfikësit po përpiqen të nxjerrin karburantin dhe të frenojnë derdhjen për të parandaluar ndotjen. /vizionplus.tv