Gjyqtarja e Tiranës u kërcënua me jetë, Garda merr në mbrojtje Arnisa Këlliçin

Dy ditë më parë, Gjyqtarja e Gjykatës së Tiranës, Arnisa Këlliçi, është kërcënuar me jetë nga një person anonim.

Ditën e sotme në Këshillin e Lartë Gjyqësor u zhvillua mbledhja e komisionit për mbrojtjen e magjistratëve.

Lexo edhe :

Related Posts

Burime për Vizion Plus bëjnë me dije se Këlliçit i është dhënë mbrojtje e veçantë për 3 muaj nga komisioni ku anëtarë janë përfaqësues të KLP, KLGJ, ministrisë së Drejtësisë dhe asaj të Brendshme.

Gjyqtares do t’i ofrohet siguri nga Garda e Republikës deri në një vendimmarrje të dytë nga Komisioni.

Kallëzimi dhe kërkesa erdhi me pretendimet e gjyqtares Arnisa Këlliçi se ishte kërcënuar përmes një letre.

Letra përmbante të dhëna kërcënuese për magjistraten dhe familjen, ku përmendeshin edhe fëmijët e saj./vizionplus.tv