Kremlini fut të venë e Navalnyt në listën e “terroristëve dhe ekstremistëve”

Shërbimi vëzhgues financiar i Rusisë, Rosfinmonitoring, e shtoi të enjten Yulia Navalnayan në listën e “terroristëve dhe ekstremistëve”.

Dy ditë më parë, një gjykatë në Moskë lëshoi një fletarrestim për Navalnayan, duke e akuzuar figurën opozitare në mërgim për pjesëmarrje në një “organizatë ekstremiste”.

Lexo edhe :

Related Posts

Navalnaya është zotuar se do të vazhdojë punën e bashkëshortit të saj, Aleksei Navalny, kundërshtarit kryesor të presidentit rus, Vladimir Putin, i cili vdiq në një burg në Arktik në shkurt.

Navalnaya u fut gjithashtu në listën e zezë të Rusisë më 9 korrik.

#Russia | France condemns the conviction in absentia of Yulia Navalnaya and the arrest warrant against her issued by the Russian authorities.

➡️ https://t.co/2znMtE25Oo pic.twitter.com/laRStkLel7

— France Diplomacy 🇫🇷🇪🇺 (@francediplo_EN) July 11, 2024

Dy javë më parë, Navalnaya u zgjodh kryetare e Fondacionit për të Drejtat e Njeriut, një organizatë jofitimprurëse me bazë në Nju Jork, e cila është e përkushtuar në promovimin dhe mbrojtjen e të drejtave të njeriut në gjithë botën.

Organizatat e Navalnyt janë të jashtëligjshme në Rusi dhe janë të shpallura “ekstremiste” dhe gjenden në listën e “terrorizmit” të shtetit.

Navalnaya, ekonomiste, kishte qëndruar pranë bashkëshortit të saj i cili organizoi protesta masive në Rusi, kishte qenë bashkë me të edhe kur ai u largua nga Rusia për t’u trajtuar nga një helmim më 2021, duke e ditur se me t’u kthyer ai do të arrestohej.

Pas vdekjes së tij, Navalnaya është zotuar se do të vazhdojë punën e bashkëshortit të saj nga jashtë vendit.