Macron përjashton mundësinë për dorëheqje, pavarësisht rezultatit të zgjedhjeve parlamentare

Presidenti francez Emmanuel Macron u zotua sot të jetë në detyrë deri në maj 2027, kur i mbaron mandati, edhe nëse kampi i tij politik e gjen veten të cenueshëm nga e djathta ekstreme, një javë para zgjedhjeve parlamentare.

Veç kësaj, presidenti francez pranoi se mënyra e qeverisjes ka nevojë ndryshime të thella pas zgjedhjeve parlamentare.

“Qeveria e ardhshme, e cila do të pasqyrojë domosdoshmërisht votën tuaj, do të mbledhë së bashku, shpresoj, republikanë nga spektra të ndryshëm, të cilët do të dinë me guximin e tyre të kundërshtojnë ekstremet”, tha Macron në një letër të hapur drejtuar qytetarëve francezë. /vizionplus.tv