Nëse Berishës do t’i hiqet mandati, cila do të jetë lëvizja e PD? Përgjigjet Gazmend Bardhi

Në një konferencë për mediat, pas përfundimit të mbledhjes së grupit parlamentar të PD,Gazment Bardhi, është pyetur se cila do të ishte lëvizja e Partisë Demokratike nëse Berishës do t’i hiqej mandati. Bardhi u shpreh se nuk sheh asnjë rrezik në mandatin e Berishës.

“Unë nuk shoh asnjë rrezik për mandatin e Berishës, nuk shoh rrezik në asnjë aspekt as në atë ligjor, sepse Sali Berisha ka qenë aktiv si deputet i Partisë Demokratike edhe pse ka qenë në arrest shtëpie. Teksa nga ana tjetër kanë nisur intimidimet për punonjësit e administratës, ata që detyrojnë të deklarojnë votat jo vetëm personalet por edhe të familjarëve. Ndërkohë që ne kemi ngritur edhe një çështje për hetim dhe verifikim, është një ligj korruptiv që u votua nga ata në Parlament, ligj për shkëmbimin e pronës shtetërore mes shtetit dhe privatit. Ka nisur skema korruptive e shitjes së këtyre pronave shtetërore dhe duhet të verifikohet kush qëndron pas projekteve të tyre, si ajo e ATSH, e tatimeve apo e parkut të Kuvendit të Shqipërisë. Pronat e shqiptarëve janë duke iu dhënë të afërmve të qeveritarëve dhe kuvendi është kthyer në një noter. Bëhet fjalë për pronat e shqiptarëve.

Gjithashtu ka pasur diskutime edhe për Reformën Zgjedhore që çështjet të shkojnë përpara ka një vullnet të PS që nuk është dakord se do duhet mos intimidosh punonjësit. Ai që vjedh zgjedhjet nuk ka interes për reformën. Afati nuk ka qenë 1 korrik, puna është e bllokuar dhe afati është i lëvizshëm.Uroj që ata të largohen nga bllokimi për çështjen e reformës’’, tha Gazmend Bardhi. /vizionplus.tv