Nis aksioni “plazhe të pastra”, pastrimi i bregdetit do të vijojë deri në shtator

Agjencia Kombëtare e Bregdetit dhe ekipet e bashkive bregdetare kanë nisur operacionin “plazhe të pastra” për të garantuar pastërti gjatë gjithë sezonit veror.

Për të tretin vit radhazi, Agjencia Kombëtare e Bregdetit do të mbështesë bashkitë në pastrim nga qershori deri në shtator.

Kapacitetet e pastrmit do të jenë të dyfishuara në bashkitë Himarë, Vlorë, Sarandë, Rrogozhinë, Kavajë, Durrës dhe Shkodër.

“Modeli i mirë i pastërtisë në bregdet është sfida jonë e sezonit turistik veror, të cilën nuk e përmbushim dot pa bashkëpunimin tuaj”, tha ministrja e Turizmit Mirela Kumbaro, në nisje të këtij operacioni./vizionplus.tv