Policia e Tiranës “zbarkon” në Korçë, ndëshkon 100 shkelës të qarkullimit rrugor

Gjashtë kontrolle policie në aksin rrugor Kapshticë- Qafë Thanë përfshi këtu edhe dy drone, njëri në afërsi të fshatit Vloçisht e tjetri në afërsi të fshatit Libonik,  dhe një radar pranë ish-SMT-së, në të hyrë të qytetit të Korçë, duket kanë funsionuar për qëllimin e Policisë së Tiranës te ardhur prej dy ditesh.

Policia e Tiranës ka zbarkuar dy ditët e fundit në qytetin e Korçës duke “thithur” plot 100 leje drejtimi të drejtuesve të mjeteve në juglindje.

Krahas heqjes së lejeve të drejtimit të automjeteve sipas burimeve te siguruara jane më tepër se 400 masa administrative ndaj  drejtuesve të mjeteve për shkelje te ndryshme të rregullave të qarkullimit rrugor.