Shpërthim i fuqishëm në Bejrut, evakuohet një spital

Sipas dëshmitarëve të cituar nga Reuters dhe AFP, një shpërthim i fuqishëm u dëgjua pranë periferive jugore të Bejrutit vonë të hënën në mbrëmje.

Pak më parë, ushtria izraelite u bëri thirrje libanezëve që të evakuojnë pjesë të caktuara në këtë zonë.

Në një tjetër zhvillim, Spitali Sahel në periferitë jugore të Bejrutit po evakuohet pasi Izraeli pretendon se një kasafortë nëntokësore e Hezbollahut është fshehur nën ndërtesë, tha drejtori i tij, Fadi Alameh.

Duke folur për Reuters, Alameh mohoi këtë informacion dhe i bëri thirrje ushtrisë libaneze të vizitojë vendin.

Megjithatë, zëdhënësi i ushtrisë izraelite, zëvendësadmirali Daniel Hagari, siguroi se Izraeli nuk do të godasë spitalin e Sahelit, megjithëse më herët tha se Hezbollahu e përdor atë për të fshehur paratë atje.

“Forcat Ajrore po monitorojnë kompleksin, siç mund ta shihni. Megjithatë, ne nuk do të dëmtojmë vetë spitalin”, tha ai. /vizionplus.tv