Shqipëri-Indi, ministri Hasani: Ekziston një potencial i madh për investime, tregti dhe partneritet

 Në ditën e dytë të vizitës zyrtare në Indi, Ministri për Evropën dhe Punët e Jashtme, Igli Hasani, zhvilloi  nje takim  me sipërmarrës indianë dhe shqiptarë, në të cilin u diskutua rreth mundësive për biznes që ofron Shqipëria.

Hasani  ftoi kompanitë indiane ta shohin vendin tonë si një mundësi shumë të mirë investimi dhe të prekin nga afër mundësitë dhe hapësirat e reja që iu ofron Shqipëria,  jo vetëm për investime dhe biznes por edhe për tregti e partneritet, duke ndërtuar përmes Shqipërisë historitë e tyre të reja të suksesit në rajon dhe më gjerë.

Shefi i diplomacise shqiptare  vlerësoi gjithashtu se India përbën një vend me shumë potencial për vendin tone dhe forcimi i aleancës mes dy vendeve konsiderohet me interes të lartë, në aspektin ekonomik dhe gjeostrategjik.

Në këtë vizitë, Ministri Hasani shoqërohej edhe nga një delegacion biznesi i Dhomës së Tregtisë dhe Industrisë së Tiranës, kryesisht të sektorit të prodhimit të tekstileve, industrisë së përpunimit të mishit, prodhimit të letrës dhe plastikës, produkteve hidorsanitare, tregtimit të mallrave ushqimore e industriale etj

India është furnizuesi i katërt më i madh gjatë viteve të fundit për tregun shqiptar. Gjatë vitit 2023 norma e shkëmbimeve tregtare mes dy vendeve arriti 249% më shumë se një vit më parë.

Sipas QKB, në janar 2023, në territorin e Shqipërisë ishin aktive 90 kompani me pronësi indiane./vizionplus.tv