“Tajlanda e Europës”, media prestigjoze greke promovon Shqipërinë, turistët “vërshojnë” në lëvdata: Një perlë e fshehur!

Vera ka mbërritur e bashkë me të edhe një sërë turistësh nga vende të ndryshme të botës. Shqipëria është kthyer në “kryefjalë” në mediat e huaja për shkak të numrit të shtuar të turistëve dhe aktiviteteve e bukurive natyrore që vendi ofron.

Së fundmi, një artikull i është dedikuar edhe nga mediat greke nën titullin “Tajlanda e Europës”.

Duke iu referuar eksperiencave të turistëve që kanë vizituar Shqipërinë dhe ndarë përvojën e tyre në rrjete sociale, media greke e konsideron vendin tonë si “Tajlanda e Europës”, por me një ndryshim, kostoja shumë herë me e vogël në shijimin e saj.

“Tajlanda është bërë vitet e fundit një nga destinacionet turistike më të njohura në botë falë plazheve të saj të mahnitshme, ushqimit të mrekullueshëm dhe festave të famshme që tërheqin mijëra të rinj nga e gjithë bota çdo vit distanca e madhe dhe çmimet e sakta të biletave ajrore.

Por nëse po mendoni diçka të ngjashme për pushimet tuaja këtë vit, ne kemi zgjidhjen për ju. Epo, ekziston një perlë e “fshehur” në Shqipëri që ofron vibe shumë të ngjashme, me fluturime shumë të lira, ushqim e pije dhe festa fantastike”, shkruhet në artikull.

Në artikull përmendet eksperienca e një turisteje, e cila ndau përvojën e saj në “TikTok”, teksa viziton Lumin e Shalës, një destinacion turistik në Shqipëri, interesi ndaj të cilit sa vjen dhe rritet.

“Në TikTok, vloggerja e udhëtimeve dhe entuziastja e udhëtimeve Aleksandra tregoi pamjen e mahnitshme që pa në Lumi i Shalës , duke mbishkrimin e postimit: “Një vend i fshehur në Shqipëri që duket si Tajlanda”. Videoja, e cila ka grumbulluar mijëra pëlqime, tregonte pushuesit duke notuar në ujërat e kaltër, kanotiere, plazhe me kartolina dhe peizazhe plot gjelbërim në sfond.

Shalë ose Lumi i Shalës është një lum që përshkon Alpet Shqiptare. Në fakt, ky peizazh konsiderohet si një nga atraksionet kryesore të vendit”, shkruhet më tej.

Po ashtu, artikulli ndalet edhe tek komentet që vërshojnë në videot ku promovohet vendi ynë, ku mjaft turistë e rekomandojnë Shqipërinë dhe shprehin dëshirën e tyre për t’a rivizituar.

 “Vend i bukur!” shkroi një përdorues. Një tjetër pranoi, duke komentuar: “Kam qenë shumë herë në Shqipëri. [Është] vendi im i preferuar i të gjitha kohërave dhe kam udhëtuar mjaft herë. 10/10 do t’ua rekomandonte të gjithëve.” Ndërsa një i tretë shtoi: “MENDOJA se ishte Tajlanda”, përfundon shkrimi./vizionplus.tv/