Temperatura përvëluese deri në 41 gradë, parashikimi i motit për ditën e sotme

Ditën e premte mbi vendin tonë do të vijojë ndikimi i masave ajrore të qendrueshme dhe të nxehta.

Moti i kthjellët pritet të mbizotërojë në pjesën më të madhe të territorit e vranësira të pakta kalimtare në orët e mesditës përgjatë relieveve malore.

Era parashikohet të jetë nga veriperëndimi me shpejtësi mesatare deri në 7 m/sek, e cila hera-herës në bregdet dhe lugina fiton shpejtësi deri në 10m/sek, duke bërë që valëzimi në dete të ishte i forcës 1-2 ballë.

Temperaturat parashikohen, në zonat malore 20 deri 39°C , në zonat e ulëta 22 deri 41°C dhe në zonat bregdetare 23 deri 39°C./vizionplus.tv