The Guardian: Rusia e dinte prej muajsh për sulmin e Ukrainës në Kursk, dokumentat që dëshmojnë dështimin rus

Komanda ushtarake ruse ishte prej disa muajsh në dijeni të ofensivës ushtarake ruse në Kursk dhe madje po po hartonte planin për ta parandaluar atë, sipas dokumenteve që, siç pretendon ushtria ukrainase, i kapi nga pozicionet e braktisura ruse në rajon.

“Zbulimi e bën edhe më të turpshme çorganizimin në radhët e forcave ruse pas sulmit në Ukrainë në fillim të gushtit”, vëren Guardian, e cila ka akses ekskluzive në dokumentet në fjalë.

Lexo edhe :

Related Posts

Dokumentet zbulojnë gjithashtu shqetësimin e thellë për moralin e ushtarëve rusë në Kursk, i cili u intensifikua pas vetëvrasjes së një ushtari në front,  cili u tha se ishte për një kohë të gjatë në depresion për shkak të shërbimit të tij në ushtrinë ruse.

Komandantët e njësive janë udhëzuar të sigurojnë që ushtarët të monitorojnë çdo ditë mediat shtetërore ruse për të ruajtur “gjendjen e tyre psikologjike”.

The Guardian vëren se nuk ka qenë e mundur të verifikohet në mënyrë të pavarur autenticiteti i dokumenteve, duke theksuar megjithatë se ato mbajnë vulën zyrtare të ushtrisë ruse.

Në fund të gushtit, gazetarët e gazetës britanike kontaktuan ekipin e operacioneve speciale ukrainase që sekuestruan dokumentet. Sipas ukrainasve, ata ishin mbledhur nga ndërtesat në rajonin e Kurskut dhe vinin nga Ministria e Punëve të Brendshme, shërbimi sekret (FSB) dhe ushtria.

Disa nga dokumentet mbajnë urdhra të printuara për njësi të ndryshme, ndërsa të tjerët janë shënime të shkruara me dorë të ngjarjeve dhe shqetësimeve për pozicione specifike. Listimet më të vjetra datojnë në fund të vitit 2023, ndërsa dokumentet më të fundit mbajnë data vetëm gjashtë javë para sulmit ukrainas në Kursk më 6 gusht.

Dokumentet janë kryesisht nga njësitë e regjimentit 488 të pushkëve të motorizuar të Rusisë, veçanërisht kompania e dytë e Batalionit të saj të 17-të.

Ofensiva e Ukrainës në rajonin e Kurskut çoi në befasi aleatët perëndimorë të Kievit, si dhe shumë në elitën ukrainase, pasi planifikimi i operacionit ishte kufizuar rreptësisht në një numër shumë të vogël njerëzish. Megjithatë, dokumentet ushtarake ruse zbulojnë muaj paralajmërimesh për një pushtim të mundshëm të rajonit dhe një përpjekje për të kapur Sunja, një qytet me 5000 banorë që ka qenë nën pushtimin ukrainas për më shumë se një muaj./vizionplus.tv